វេទិកានេះត្រូវបានបង្កើតឡើងដើម្បីចូលរួមចំណែកក្នុងការអភិវឌ្ឍនិងលើកកម្ពស់គុណភាពការអប់រំនៃកម្រិតសាលាមត្តេយ្យសិក្សានៅក្នុងប្រទេសកម្ពុជា។ ពិសេសជាងនេះទៅទៀត វេទិកានេះមានគោលបំណងផ្តល់ជាជំនួយដល់ការបង្រៀនរបស់គ្រូនៅក្នុងកម្រិតមត្តេយ្យសិក្សា និងផ្តល់ឳ្យគ្រូនូវលទ្ធភាពប្រើប្រាស់នូវធនធានសំខាន់ៗមួយចំនួនដែលមានដូចជា៖
ធនធានផ្លូវការដែលផ្តល់ជាចំណេះដឹងសម្រាប់ជាជំនួយដល់គ្រូបង្រៀនរួមមាន៖ ឯកសារផ្លូវការ និងឯកសារច្បាប់ផ្លូវការ លេខទូរស័ព្ទនិងអ៊ីម៉ែលសម្រាប់ទំនាក់ទំនងទៅកាន់ក្រសួងនិងនាយកដ្ឋានសំខាន់ៗដែលពាក់ព័ន្ធនៅក្នុងវិស័យ តំណរភ្ជាប់ទៅកាន់គេហទំព័រពាក់ព័ន្ធផ្សេងៗទៀត។
ធនធានដែលជាជំនួយនៅក្នុងការបង្រៀន ដើម្បីជាការគាំទ្រការរៀបចំសកម្មភាពបង្រៀននៅក្នុងថ្នាក់រៀន៖ កម្រងវីដេអូក្នុងការពន្យល់មេរៀន សន្លឹកកិច្ចការជាដើម។
គោលការណ៍ណែនាំផ្សេងៗ និងទម្រង់លិខិត៖ កិច្ចការរដ្ឋបាលសម្រាប់ការគ្រប់គ្រងថ្នាក់រៀន សម្ភារៈបង្រៀន ការគ្រប់គ្រងរៀបចំទីធ្លាថ្នាក់រៀន និងការតុបតែង ការផលិតសម្ភារៈបង្រៀននិងសិក្សា។
ការអប់រំកុមារតូចនៅប្រទេសកម្ពុជាមានការជួបប្រទះនឹងបញ្ហាប្រឈមមុខជាច្រើន។ ជាពិសេសគឺគុណភាពនៃការអប់រំនៅមត្តេយ្យសិក្សា សហគមន៍។ ការសង្កេត៣ សំខាន់ៗ និងហេតុផល៣ ដែលយើងបានមើលឃើញ៖
ការវិនិយោគលើការថែទាំ និងការអភិវឌ្ឍន៍កុមារតូច គឺជាការងារដែលចាំបាច់។ រយៈពេលប្រាំមួយឆ្នាំដំបូងនៃជីវិតរបស់កុមារគឺមានសារៈសំខាន់បំផុតសម្រាប់អនាគតរបស់ពួកគេ។ ការសិក្សាស្រាវជ្រាវបានបង្ហាញឲ្យឃើញថា បទពិសោធន៍ និងទំនាក់ទំនងផ្លូវចិត្តទាំងនេះគឺជាមូលដ្ឋានគ្រឹះសម្រាប់ការអភិវឌ្ឍន៍របស់ពួកគេ។ ភាពជោគជ័យរបស់ពួកគេនៅសាលារៀន និងនៅកន្លែងធ្វើការ និងការរីកចម្រើនផ្ទាល់ខ្លួនរបស់ពួកគេ។ ដូច្នេះសេវាថែទាំ និងការអភិវឌ្ឍន៍កុមារតូច ដូចជាសាលាមត្តេយ្យសិក្សាមានសារៈសំខាន់ណាស់សម្រាប់កុមារតូចៗ។ គុណសម្បត្តិនៃមត្តេយ្យសិក្សាសហគមន៍៖
រដ្ឋាភិបាលកម្ពុជាបានប្តេជ្ញាចិត្តចំពោះការគាំពារ និងការអភិវឌ្ឍន៍កុមារតូចនៅកម្ពុជាអស់ជាច្រើនឆ្នាំ ហើយបានអនុម័តច្បាប់ក្របខ័ណ្ឌ ព្រាងគោលនយោបាយ និងផែនការសកម្មភាពជាតិមួយចំនួន ដែលត្រូវបានអនុវត្តតាមកម្មវិធីផ្សេងៗគ្នា ប៉ុន្តែការលំបាក និងបញ្ហាប្រឈមជាច្រើននៅតែមាន។
