ការវិនិយោគលើការថែទាំ និងការអភិវឌ្ឍន៍កុមារតូច គឺជាការងារដែលចាំបាច់។
រយៈពេលប្រាំមួយឆ្នាំដំបូងនៃជីវិតរបស់កុមារគឺមានសារៈសំខាន់បំផុតសម្រាប់អនាគតរបស់ពួកគេ។ ការសិក្សាស្រាវជ្រាវបានបង្ហាញឲ្យឃើញថា បទពិសោធន៍របស់កុមារ និងទំនាក់ទំនងផ្លូវចិត្ត ជំរុញវិធីសាស្រ្តក្នុងការទំនាក់ទំនងរបស់ពួកគេទៅកាន់ពិភពខាងក្រៅ។ បទពិសោធន៍ និងទំនាក់ទំនងផ្លូវចិត្តទាំងនេះគឺជាមូលដ្ឋានគ្រឹះសម្រាប់ការអភិវឌ្ឍន៍របស់ពួកគេ ភាពជោគជ័យរបស់ពួកគេនៅសាលារៀន និងនៅកន្លែងធ្វើការ និងការរីកចម្រើនផ្ទាល់ខ្លួនរបស់ពួកគេ។
ដូច្នេះសេវាថែទាំ និងការអភិវឌ្ឍន៍កុមារតូច ដូចជាសាលាមត្តេយ្យសិក្សាមានសារៈសំខាន់ណាស់សម្រាប់កុមារតូចៗ។
គុណសម្បត្តិនៃមត្តេយ្យសិក្សាសហគមន៍៖
2. ការប្រាស្រ័យទាក់ទងនៅក្នុងសង្គម
ការស្វែងយល់ពីសាលារៀនជាកន្លែងសម្រាប់សង្គមនីយកម្ម និងជីវិតរស់នៅក្នុងសហគមន៍
នៅមត្តេយ្យសិក្សា កុមាររៀនរស់នៅជាមួយគ្នាជាក្រុម។ ពួកគេបង្កើតទំនាក់ទំនងសង្គមនៅក្នុងថ្នាក់រៀន ឬនៅសួនកុមារតាមរយៈការប្រាស្រ័យទាក់ទងជាមួយកុមារដទៃទៀត និងគ្រូរបស់ពួកគេ។ លើសពីនេះទៀត ពួកគេរៀនច្បាប់ទម្លាប់ដែលត្រូវប្រើប្រាស់ក្នុងជីវិតប្រចាំថ្ងៃនៅក្នុងថ្នាក់រៀនរួចមកហើយ។ សកម្មភាពនេះនឹងធ្វើឱ្យវាកាន់តែងាយស្រួលសម្រាប់ពួកគេក្នុងការចូលសាលារៀន ដោយសារតែពួកគេនឹងមានវិធីសាស្រ្ត និងច្បាប់ទម្លាប់នេះសម្រាប់ប្រើប្រាស់នៅសាលារៀន និងក្នុងជីវិតរបស់ពួកគេ។